အခုနှစ်ပိုင်းတွေ အတွင်းမှာ မောင်းသူမဲ့ ယာဉ်ပျံ ဒရုန်း (Drone) တွေ အလွန်ပဲ ခေတ်စားလာပါတယ်။ နိုင်ငံတကာမှာတင်မက မြန်မာပြည်မှာလဲ အတော် ခေတ်စားလာပြီး မြန်မာ့ရှုခင်းတွေကို ဒရုန်းနဲ့ ရိုက်ထားတဲ့ ဗီဒီယိုတွေတောင် Facebook မှာ မကြာခဏ တွေ့နေရပါတယ်။ နိုင်ငံတကာမှာဆို ဂူဂယ်တို့၊ အမေဇုံတို့က ပစ္စည်းတွေ သယ်ပို့တဲ့ နေရာမှာ သုံးဖို့တောင် စမ်းသပ်နေ ကြပါတယ်။ ဓါတ်ပုံနဲ့ ဗီဒီယို ရိုက်ကူးသူ တွေကတော့ အသဲစွဲပေါ့။ တစ်ဖက်ကလဲ ဒီလိုဒရုံးတွေ သုံးလာတာ များလာတဲ့ အတွက်ကြောင့် ကိုယ်ေရးကိုယ်တာ ထိခိုက်လာတာတွေ၊ လုံခြုံရေးကို ထိခိုက်လာနိုင်တာတွေ ဖြစ်လာနိုင်ပါတယ်။ ဥပမာ ကိုယ်ပိုင် ရေကူးကန်ထဲ ရေကူးနေတာကို ချောင်းရိုက်တာမျိုးတွေ၊ ဒရုန်းက လေယာဉ်ပြေးလမ်းပေါ် ရောက်လာလို့ လေယာဉ်ပျက်ကျ နိုင်တာမျိုးတွေကစလို့ အကြမ်းဖက်သမားတွေ ဒရုန်းသုံးပြီး တိုက်ခိုက်မှုတွေ လုပ်လာတာ အထိ ဖြစ်နိုင်ပါတယ်။ ဒီလို ဒရုန်းတွေကို ဘယ်လို ထိန်းချုပ်မလဲဆိုတာ ပြဿနာတစ်ခု ဖြစ်လာပါတယ်။
ဒီပြဿနာအတွက် မခု ဒရုန်းရှီးလ် (Drone Shield) ကုမ္ပဏီကနေ နည်းဗျူဟာ ဒရုန်းသေနတ် (Drone Gun Tactical) ဆိုတာကို ထွင်လိုက်ပါတယ်။ ပုံမှာ မြင်ရသလို သိပ္ပံကားထဲက သေနတ်နဲ့ ခပ်ဆင်ဆင် လက်နက်ပါ။ သူက ဒရုန်းကို ပစ်ချမှာတော့ မဟုတ်ပါဘူး။ ဒရုန်းဆီကု ဦးတည်ပြီး လျှပ်စစ်သံလိုက်လှိုင်း (electromagnetic pulses) တွေ ပစ်လွှတ်မှာ ဖြစ်ပါတယ်။ ဒီ လျှပ်စစ်သံလိုက်လှိုင်း တွေက ဒရုန်းနဲ့ သူ့ကို ထိန်းချုပ်တဲ့ ရီမုတ်ကွန်ထရိုး ယူနစ်တွေ အကြားမှာ ရှိတဲ့ ဆက်သွယ်ရေး စနစ်တွေကို နှောင့်ယှက်ပြီး ဒရုန်းကို ထိန်းချုပ်ဆင်းသက် စေနိုင်ပါတယ်။ သူနဲ့ အလားတူ ဒီကုမ္ပဏီကပဲ ထုတ်တဲ့ Drone Gun ရဲ့ လုပ်ဆောင်ပုံကို အောက်က ဗွီဒီယိုမှာ တွေ့မြင်နိုင်ပါတယ်။
Source: CNET – New DroneGun has Blade Runner looks, can stop drones
Drone တွေကို ပစ်ချမယ့် Drone Gun Tactical

February 8, 2018
Other Posts
- ဥက္ကာပျံတွေရန်က ကမ္ဘာကိုကာကွယ်ဖို့ နည်းလမ်းသစ်
- ရှားပါး ရေဝက်များ တရုတ်ပြည်တွင် မျိုးတုန်းပျောက်ကွယ် သွားပြီ
- အလင်းထက် မြန်အောင် သွားနိုင်မယ့် Tachyons
- ရှည်မျောမျောနဲ့ ထူးထူးဆန်းဆန်း ဂြိုဟ် ရှာဖွေတွေ့ရှိ
- ဂျိမ်းစ်ဝက်ဘ် က ရိုက်ပို့လိုက်တဲ့ လှည်းဘီးပုံ ဂလက်ဆီကြီး
- အရက်အနည်းငယ် သောက်သုံးခြင်းသည် ဦးဏှောက်ဆဲလ်များကို သန့်ရှင်းစေနိုင်
- နေဝင်ချိန် ဘာကြောင့် အလင်းတန်းတွေ မြင်ရတာလဲ
- အပင်များ၏ အော်ဟစ်ညီးတွားသံ သိပ္ပံ ပညာရှင်များ ရှာဖွေတွေ့ရှိ
- ဥက္ကာပျံ ဝင်တိုက်မှုကြောင့် ကမ္ဘာ့ တိုက်ကြီးများ ဖြစ်ပေါ်လာ
- ကြယ်တွေရဲ့ အလေးချိန်ကို ဘယ်လို တိုင်းမလဲ