ဒီ ဒူဂေါင် နဲ့ မနားတီးစ် ရေဝက်တွေကို တချိန်က ပင်လယ်ထဲ ခရီးသွားတဲ့ သင်္ဘောသား တွေက မြင်ပြီး ရေသူမ လို့ အမြင်မှားခဲ့ ကြတာ ဖြစ်မယ်လို့လဲ အချို့သော ပညာရှင် တွေက ယူဆ ကြပါတယ်။
ဒီ ဒူဂေါင် ရေဝက်တွေဟာ တရုတ်ပင်လယ်ပြင် အတွင်းမှာ နှစ် ရာပေါင်းများစွာ ရှင်သန် ပေါက်ဖွား နေထိုင် ခဲ့ကြပါတယ်။ သူတို့ အဓိက စားသုံးတဲ့ အစားအစာ ကတော့ ပင်လယ် ကြမ်းပြင်မှာ ပေါက်နေတဲ့ ပင်လယ်မြက် (seagrass) တွေကို စားသောက်ပြီး အသက်ရှင် နေထိုင် ကြပါတယ်။
ဒါပေမယ့် လွန်ခဲ့တဲ့ နှစ် ၂၀ အတွင်း တရုတ် ပင်လယ်ပြင် အတွင်းမှာ ဒူဂေါင်ရေဝက် တွေ တွေ့ရှိတယ် ဆိုတဲ့ မှတ်တမ်း မရှိတော့ ပါဘူး။ ဒါ့ကြောင့် နိုင်ငံတကာက ပညာရှင်တွေ ပါဝင်တဲ့ သုတေသန အဖွဲ့ဟာ တရုတ်ပင်လယ် အတွင်း ဒူဂေါင် လူဦးရေ စာရင်း ကောက်ယူမှု သုတေသန ပြုလုပ်ခဲ့ ကြပါတယ်။
ဒီ သုတေသန အဖွဲ့ဟာ တရုတ် ပြည် အနှံ့က ငါးဖမ်း ကျေးရွာတွေကို လိုက်လံပြီး ဒူဂေါင်နဲ့ ပတ်သက်တဲ့ အချက်အလက်တွေကို လေ့လာ စုံစမ်းခဲ့ ကြတာ ဖြစ်ပါတယ်။
ဒူဂေါင် ရေဝက် တွေ့ရှိမှု မှတ်တမ်းတွေဟာ ၁၉၆၀ ဝန်းကျင်မှာ အများဆုံး ဖြစ်ခဲ့ပါတယ်။ ဒီ့နောက် ၁၉၇၅ နောက်ပိုင်းမှာ ဒူဂေါင် တွေ့ရှိတယ် ဆိုတဲ့ သတင်းပို့ချက်တွေဟာ ကျဆင်း သွားခဲ့ပါတယ်။ ၂၀၀၈ နောက်ပိုင်းမှာတော့ ဒူဂေါင် တွေ့တယ် ဆိုတဲ့ ခိုင်မာတဲ့ သတင်းပို့ချက် မရရှိတော့ ပါဘူး။
Other Posts
- တရုတ်ထက် ဦးအောင် လပေါ်မှာ သတ္တုတူးဖို့ နာဆာ ကြိုးပမ်းနေ
- အရက်အနည်းငယ် သောက်သုံးခြင်းသည် ဦးဏှောက်ဆဲလ်များကို သန့်ရှင်းစေနိုင်
- အလွယ်တကူ သယ်ယူနိုင်မည့် အသေးစား အဏုမြူ ဓါတ်ပေါင်းဖိုများ
- ကြယ်တစ်စင်းဟာ ဂြိုဟ်အဖြစ် ပြောင်းသွားနိုင် သလား
- ဥက္ကာခဲဆီပျံသန်းမယ့် တရုတ်ရဲ့အကြံ
- Black Hole တွင်းနက်ကြီး ဆိုတာဘာလဲ
- Big Bang မတိုင်မီက ဘာဖြစ်ခဲ့ သလဲ
- ကြယ်သေကို ပတ်နေတဲ့ ဂြိုဟ်ပျက်ကြီး တစ်လုံးရှာတွေ့
- ၂၀၂၇ မှာ ဖွင့်မယ်ဆိုတဲ့ ကမ္ဘာ့ ပထမဆုံး အာကာသ ဟိုတယ်
- မိမိကလေးရဲ့ ကိုယ့်ကိုယ်ကို တန်ဖိုးထားမှုကို မြှင့်တင်ပေးနိုင်မယ့် ရှင်းလင်းလွယ်ကူတဲ့ နည်းလမ်း ၈ ချက်